थपिए ३ हजार ५१७ जना संक्रमित, थप १६ जनाको मृत्यु

काठमाडौं । नेपालमा पछिल्लो २४ घण्टामा थप ३ हजार ५१७ जनामा कोरोना भाइरस सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज थपिएका समेत गरेर नेपालमा कुल सङ्क्रमितको संख्या १ लाख ६८ हजार २३५ पुगेको छ ।
त्यस्तै पछिल्लो २४ घण्टामा ४ हजार ९६ जना कोरोना सङ्क्रमित निको भएको मन्त्रालयले जनाएको छ । हालसम्म एक लाख २८ हजार ९५८ सङ्क्रमित निको भएका छन् । हाल ३८ हजार ३५७ जनामा भाइरसको सङ्क्रमण सक्रिय रहेको मन्त्रालयले जनाएको छ । मन्त्रालयका अनुसार ७१ जना भेन्टिलेटरमा र ३०० जना संक्रमित आइसियूमा उपचाररत रहेका छन्।
त्यस्तै पछिल्लो २४ घण्टामा १६ जना सङ्क्रमितको मृत्यु भएसँगै नेपालमा कोरोनाभाइरसबाट मृत्यु हुनेको संख्या ९२० पुगेको छ ।