सोमवार कांग्रेसका शीर्ष नेताहरुको बैठक हुने

काठमाडौं । नेपाली कांग्रेसका सभापति शेरबहादुर देउवाले सोमबारका लागि शीर्ष नेताहरुको बैठक बोलाएका छन् ।
यही कात्तिक २१ गतेका लागि बोलाइएको केन्द्रीय कार्यसमिति बैठकअघि पार्टीका पदाधिकारी, पूर्वपदाधिकारी लगायतसँग छलफल गर्नका लागि सभापति देउवाले वैठक बोलाएको बताइएको छ ।
वरिष्ठ नेता रामचन्द्र पौडेल समूहले अघि सारेको मागबारे छलफल गर्न १७ असोजमा शीर्ष नेताहरुको बैठक बसेको थियो । सोमबारका लागि बोलाइएको वैठक त्यसैको निरन्तरता भएको बताइएको छ ।
यसअघि असोज १९ गतेका लागि केन्द्रीय कार्यसमिति बैठक बोलाइएको थियो । तर केही केन्द्रीय सदस्यलाई कोरोना संक्रमण पुष्टि भएपछि शीर्ष नेताहरुको छलफल र केन्द्रीय कार्यसमिति बैठक प्रभावित भएको थियो ।