काठमाडौं उपत्यकामा थप १६२२ जनामा कोरोना संक्रमण

काठमाडौं । पछिल्लो २४ घण्टामा काठमाडौं उपत्यकामा १ हजार ६२२ जनामा कोरोना संक्रमण भएको छ । स्वास्थ्य तथा जनसंख्या मन्त्रालयका अनुसार काठमाडौंमा १ हजार ३ सय ६२, भक्तपुरमा ९६ र ललितपुरमा १६४ जना संक्रमित थपिएका हुन ।
पछिल्लो २४ घण्टामा देशभर २ हजार ८२४ जना संक्रमित थपिएका छन् । नेपालमा कुल संक्रमितको संख्या १ लाख ७३ हजार ५६७ पुगेको छ।
२४ घण्टामा ३ हजार ६ सय २० जना कोरोना सङ्क्रमित निको भएको मन्त्रालयले जनाएको छ । हालसम्म संक्रमण मुक्त हुनेको संख्या एक लाख ३४ हजार ८ सय २४ जना पुगेको छ । हाल देशभर कुल संक्रमितमध्ये ३७ हजार ७ सय ६१ जना सक्रिय संक्रमित छन् ।
त्यस्तै पछिल्लो २४ घण्टामा थप २३ जना कोरोना संक्रमितको मृत्यु भएसँगै नेपालमा कोरोना संक्रमित मृतकको संख्या ९ सय ६० पुगेको छ ।