थप २ हजार ८२४ जनामा कोरोना संक्रमण‚ संक्रमितको संख्या १७३५६७ पुग्यो

काठमाडौं । नेपालमा पछिल्लो २४ घण्टामा २ हजार ८२४ जना संक्रमित थपिएका छन् । आज थपिएका समेत गरेर नेपालमा कुल संक्रमितको संख्या १ लाख ७३ हजार ५६७ पुगेको छ।
स्वास्थ्य तथा जनसंख्या मन्त्रालयका अनुसार हाल देशभर कुल संक्रमितमध्ये ३७ हजार ७ सय ६५ जना सक्रिय संक्रमित छन् । यीमध्ये ६ हजार ७ सय ८९ जना संस्थागत आइसोलेसनमा छन् भने बाँकी होम आइसोलेसनमा रहेका छन् ।
त्यस्तै पछिल्लो २४ घण्टामा ३ हजार ६ सय २० जना कोरोना सङ्क्रमित निको भएका छन् । हालसम्म संक्रमण मुक्त हुनेको संख्या एक लाख ३४ हजार ८ सय २४ जना पुगेको छ ।
त्यस्तै पछिल्लो २४ घण्टामा थप २३ जना कोरोना संक्रमितको मृत्यु भएसँगै नेपालमा कोरोना संक्रमित मृतकको संख्या ९ सय ६० पुगेको छ ।
मन्त्रालयका अनुसार कोरोनाको आशंकामा गत २४ घण्टामा १३ हजार २३ जनाको पिसिआर परीक्षण भएको छ। योसँगै पिसिआर परीक्षण हुनेको संख्या १४ लाख ५६ हजार ३६६ पुगेको छ।