उपत्यकामा थपिए १ हजार ६३० जना सङ्क्रमित

काठमाडौं । काठमाडौं उपत्यकामा पछिल्लो २४ घण्टामा थप १ हजार ६३० जनामा कोरोना संक्रमण भएको छ । स्वास्थ्य तथा जनसंख्या मन्त्रालयका अनुसार काठमाडौंमा १ हजार ३६२, ललितपुरमा १६४ र भक्तपुरमा ९६ थपिएका हुन ।
आज थपिएका सङ्क्रमितमध्ये ७०२ जना महिला र ९२८ जना पुरूष रहेका छन् ।
त्यस्तै पछिल्लो २४ घण्टामा देशभरमा २ हजार ९३३ जनामा कोरोनाभाइरस सङ्क्रमित थपिएका छन् । आज थपिएका समेत गरेर नेपालमा कुल सङ्क्रमित संख्या १ लाख ७६ हजार ५ सय पुगेको छ । उनीहरु मध्ये ३७ हजार ५२४ जनामा भाइरसको सङ्क्रमण सक्रिय छ ।
त्यस्तै पछिल्लो २४ घण्टामा ३ हजार १५० जना कोरोना सङ्क्रमित निको भएसँगै नेपालमा निको हुने संक्रमितहरुको संख्या १ लाख ३७ हजार ९९२ जना पुगेका छन् ।
त्यस्तै पछिल्लो २४ घण्टामा २४ जना सङ्क्रमितको मृत्यु भएको छ । योसँगै नेपालमा कोरोनाभाइरसबाट मृत्यु हुनेको संख्या ९८४ पुगेको छ ।