२४ घण्टामा थपिए २५७१ जना कोरोना संक्रमित, थप १८ जनाको मृत्यु

काठमाडौं । नेपालमा पछिल्लो २४ घण्टामा २ हजार ५७१ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज थपिएका समेत गरेर संक्रमितको कुल संख्या १ लाख ९७ हजार २४ पुगेको छ।
त्यस्तै आज देशभर १ हजार ७९८ जना संक्रमणमुक्त भएको मन्त्रालयले जनाएको छ । हालसम्म नेपाला १ लाख ५९ हजार ७२४ जना संक्रमण मुक्त भएका छन् ।
मन्त्रालय अनुसार हाल देशभर ३६ हजार १७४ जना सक्रिय संक्रमित छन् । सक्रिय संक्रमित मध्ये ८३ जना भेन्टिलेटरमा र ४११ जना संक्रमित आइसियूमा उपचाररत रहेको मन्त्रालयले जनाएको छ । पछिल्लो केही दिन यता गम्भीर कोरोना संक्रमितको संख्या बढ्दै गएको मन्त्रालयकै तथ्यांकले पनि देखाएको छ ।
त्यस्तै पछिल्लो २४ घन्टामा १८ जना संक्रमितको मृत्यु भएसँगै नेपालमा कोरोना संक्रमण देखिएर मृत्यु हुनेको संख्या १ हजार १२६ पुगेको छ।
मन्त्रालयका अनुसार पछिल्लो २४ घण्टामा ११ हजार १७७ जनाको पिसिआर परीक्षण भएको छ। यो समेत गरेर नेपालमा हालसम्म १५ लाख ५१ हजार २ सय ५४ जनाको पिसिआर परीक्षण भएको छ । हाल ९ सय ६७ जना क्वारेन्टाइनमा रहेको छन् ।
नेपालमा थप १८ जना कोरोना संक्रमितको मृत्यु भएको छ। यो सँगै कोरोना संक्रमित मृतकको संख्या १ हजार १ सय २६ पुगेको स्वास्थ्य तथा जनसंख्या मन्त्रालयले जनाएको छ ।