थपिए ६०८ जना सङ्क्रमित, नौ जनाको मृत्यु

काठमाडौं । पछिल्लो २४ घण्टामा ६०८ जनामा कोरोनाभाइरसको संक्रमित थपिएका छन् भने ८९२ जना सङ्क्रमित निको भएको छन् ।
स्वास्थ्य तथा जनसंख्या मन्त्रालयका अनुसार नेपालमा कुल सङ्क्रमितको संख्या दुई लाख ५७ हजार २०० पुगेको छ । उनीहरु मध्ये २ लाख ४८ हजार २९२ जना निको भएका छन् । हाल ७ हजार ९२ जनामा भाइरसको सङ्क्रमण सक्रिय रहेको छ ।
त्यस्तै पछिल्लो २४ घण्टामा ९ जना सङ्क्रमितको मृत्युको पुष्टि भएको छ । हालसम्म नेपालमा कोरोना सङ्क्रमणबाट एक हजार ८१६ जनाको मृत्यु दर्ता गरिएको छ ।
पछिल्लो चौबीस घण्टामा चार हजार १४२ जनाको परीक्षण गरिएको थियो । हालसम्म १९ लाख ३९२ जनाको आरटीपीसीआर परीक्षण गरिएको छ ।