थप ४८१ जनामा सङ्क्रमण, ७३१ जना निको, ६ जनाको मृत्यु
काठमाडौं । पछिल्लो २४ घण्टामा ४८१ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार थपिएका समेत गरेर कुल सङ्क्रमित संख्या २ लाख ५८ हजार १८१ पुगेको छ ।
त्यस्तै पछिल्लो २४ घण्टामा ७३१ जना सङ्क्रमित निको भएका छन् । निको भएकाहरुको संख्या २ लाख ४९ हजार ८६३ पुगेको छ । नेपालमा कोरोना संक्रमित हुने दर ९६.७८ प्रतिशत रहेको छ । मन्त्रालयका अनुसार हाल छ हजार ४९३ जनामा भाइरसको सङ्क्रमण सक्रिय रहेको छ ।
मन्त्रालयका अनुसार पछिल्लो २४ घण्टामा ६ जना सङ्क्रमितको मृत्युको पुष्टि भएको छ । हालसम्म नेपालमा कोरोना सङ्क्रमणबाट एक हजार ८२५ जनाको मृत्यु भएको छ ।
पछिल्लो २४ घण्टामा ६ हजार ५५९ जनाको आरटीपीसीआर परीक्षण गरिएको थियो । हालसम्म १९ लाख नौ हजार ६५४ जनाको आरटीपीसीआर परीक्षण गरिएको छ ।