थपिए ६५९ जनामा कोरोना संक्रमित, ७ जनाको मृत्यु
काठमाडौं । पछिल्लो २४ घण्टामा ६५९ जनामा कोरोना भाइरसको संक्रमण पुष्टिसँगै नेपालमा सङ्क्रमितको कुल संख्या २ लाख ५८ हजार ८४० पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७ सय १८ जना सङ्क्रमित निको भएका छन् । निको हुनेहरुको संख्या २ लाख ५० हजार ५८१ पुगेको छ । नेपालमा कोरोना संक्रमित हुने दर ९६।८१ प्रतिशत रहेको छ । मन्त्रालयका अनुसार हाल ६ हजार ४२७ जनामा भाइरसको सङ्क्रमण सक्रिय छ ।
त्यस्तै पछिल्लो २४ घण्टामा ७ जना सङ्क्रमितको मृत्युको पुष्टि भएको छ । हालसम्म नेपालमा कोरोना सङ्क्रमणबाट मृत्यु हुनेको संख्या १ हजार ८३२ जना पुगेको छ ।
पछिल्लो २४ घण्टामा ५ हजार ५७८ आरटीपीसीआर परीक्षण गरिएको जानकारी दिँदै मन्त्रालयले हालसम्म १९ लाख १५ हजार २३२ जनाको आरटीपीसीआर परीक्षण गरिएको जनाएको छ ।