थप ४१२ जनाा कोरोना संक्रमण, ४ जनाको मृत्यु

काठमाडौं । पछिल्लो २४ घण्टामा ४१२ जनामा कोरोनाभाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार हालसम्म २ लाख ६३ हजार ६०५ जनामा भाइरसबाट सङ्क्रमित भएको जनाएको छ ।
त्यस्तै पछिल्लो २४ घण्टामा ४८३ जना कोभिड सङ्क्रमित निको भएका छन् । हालसम्म २ लाख ५६ हजार ६४४ जना सङ्क्रमित निको भएका छन् । हाल ५ हजार ५८ जनामा भाइरसको सङ्क्रमण सक्रिय छ ।
मन्त्रालयका अनुसार पछिल्लो २४ घण्टामा ५ हजार १३२ जनाको आरटीपीसीआर परीक्षण गरिएको थियो । हालसम्म हालसम्म १९ लाख ६९ हजार २९२ जनाको आरटीपीसीआर परीक्षण भएको छ ।
त्यस्तै पछिल्लो २४ घण्टामा ४ जना सङ्क्रमितको मृत्यु भएको छ । उक्त संख्यासँगै नेपालमा कोभिड १९ बाट मृत्यु हुने एक हजार ९०३ पुगेको छ ।