थप ५५४ जनामा कोरोना सङ्क्रमण, ५८५ जना निको

काठमाडौं । पछिल्लो २४ घण्टामा ५५४ जनामा कोरोनाभाइरसको सङ्क्रमण भएको पुष्टि भएको छ । हालसम्म २ लाख ६४ हजार १५९ जनामा सङ्क्रमण भएको छ । उनीहरु मध्ये ५ हजार २१ जनामा भाइरसको सङ्क्रमण सक्रिय रहेको स्वास्थ्य तथा जनसंख्या मन्त्रालयले जनाएको छ ।
त्यस्तै पछिल्लो २४ घण्टामा ५८५ जना सङ्क्रमित निको भएका छन् । निको हुनेको संख्या २ लाख ५७ हजार २२९ जना पुगेको छ ।
पछिल्लो २४ घण्टामा ५ हजार २६९ जनाको आरटीपीसीआर परीक्षण गरिएको र हालसम्म १९ लाख ७४ हजार ५६१ जनाको आरटीपीसीआर परीक्षण भएको मन्त्रालयले जनाएको छ । मन्त्रालयका अनुसार पछिल्लो २४ घण्टामा ६ जना सङ्क्रमितको मृत्यु भएको छ । हालसम्म मृत्यु हुनेको संख्या १ हजार ९०९ पुगेको छ ।