थप ३४८ जनामा संक्रमण, ४४१ जना निको

काठमाडौं । नेपालमा पछिल्लो २४ घण्टामा कोरोना भाइरसका संक्रमितहरु ३४८ जना थपिएका छन् । स्वास्थ्य तथा जनसंख्या मन्त्रालयका अनुसार हालसम्म नेपालमा कोरोना भाइरसबाट २ लाख ६७ हजार ९९२ जना सङ्क्रमित भएका छन् ।
मन्त्रालयका अनुसार पछिल्लो २४ घण्टामा ४४१ जना सङ्क्रमित निको भएका छन् । हालसम्म २ लाख ६२ हजार २५९ जना सङ्क्रमित निको भइसकेका छन् ।
हाल ३ हजार ७६४ जनामा भाइरसको सङ्क्रमण सक्रिय रहेको मन्त्रालयले जनाएको छ ।
त्यस्तै पछिल्लो २४ घण्टामा ४ जना सङ्क्रमितको मृत्यु भएको मन्त्रालयले जनाएको छ । हालसम्म एक हजार ९६९ जना सङ्क्रमितको मृत्यु भइसकेको छ ।
पछिल्लो २४ घण्टामा ४ हजार ९५६ जनाको आरटीपीसीआर परीक्षण भएको मन्त्रालयले जनाएको छ ।