थप ३१८ सङ्क्रमित, ३८३ सङ्क्रमित निको

काठमाडौं । नेपालमा पछिल्लो २४ घण्टामा कोरोना भाइरसका संक्रमित ३१८ जना थपिएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३८३ जना सङ्क्रमित निको भएका छन् । हालसम्म निको हुनेको संख्या २ लाख ६२ हजार ६४२ जना पुगेको छ ।
हाल ३ हजार ६९३ जनामा भाइरसको सङ्क्रमण सक्रिय रहेको मन्त्रालयले जनाएको छ । हालसम्म नेपालमा कोरोना भाइरसबाट २ लाख ६८ हजार ३१० जना सङ्क्रमित भएका छन् ।
त्यस्तै पछिल्लो २४ घण्टामा ६ जना सङ्क्रमितको मृत्यु भएको मन्त्रालयले जनाएको छ । हालसम्म एक हजार ९७५ जना सङ्क्रमितको मृत्यु भइसकेको छ ।
मन्त्रालयका अनुसार आज थपिएकाहरु मध्ये काठमाडौं उपत्यकामा १४५ जनामा छन् । भक्तपुरमा तीन, ललितपुरमा २६ र काठमाडौंमा एकसय १६ जनामा पुष्टि भएको हो ।
मन्त्रालयका अनुसार पछिल्लो २४ घण्टामा नेपालमा ५ हजार १२ जनाको आरटी पीसीआर परीक्षण भएको थियो । हालसम्म नेपालमा २० लाख २६ हजार ७२६ वटा पीसीआर परीक्षण भइसकेका छन् ।