तीन हजार ५४५ परीक्षणमा ३०२ मा सङ्क्रमणको पुष्टि

काठमाडौं । नेपालमा पछिल्लो २४ घण्टामा कोरोनाभाइरसका संक्रमित ३०२ जना थपिएका छन् । हालसम्म नेपालमा सङ्क्रमितको संख्या २ लाख ६८ हजार ९४८ पुगेको जनाएको छ ।
मन्त्रालयका अनुसार पछिल्लो २४ घण्टामा ४८० जना सङ्क्रमित निको भएका छन् । हालसम्म २ लाख ६३ हजार ३४८ जना सङ्क्रमित निको भइसकेका छन् ।
हाल तीन हजार ६१४ जनामा भाइरसको सङ्क्रमण सक्रिय रहेको छ ।
मन्त्रालयका अनुसार पछिल्लो २४ घण्टामा ७ जना सङ्क्रमितको मृत्युको पुष्टि भएको जनाएको छ । कोभिड–१९ बाट मृत्यु हुनेको संख्या एक हजार ९८६ पुगेको हो ।
त्यस्तै पछिल्लो २४ घण्टामा ३ हजार ५४५ जनाको आरटीपीसीआर परीक्षण गरिएको थियो । हालसम्म बीस लाख ३५ हजार ३०१ जनाको आरटीपीसीआर परीक्षण गरिएको छ ।