थप ३०३ जना सङ्क्रमित थपिए, २८५ जना सङ्क्रमणमुक्त

काठमाडौं । नेपालमा पछिल्लो २४ घण्टामा कोरोना भाइरसका संक्रमित ३०३ जना थपिएका छन् । स्वास्थ्य तथा जनसंख्या मन्त्रालयका अनुसार नेपालमा कोरोनाका कुल सङ्क्रमितको संख्या दुई लाख ७० हजार ९२ जना पुगेको छ ।
त्यस्तै पछिल्लो २४ घण्टामा २८५ जना सङ्क्रमित सङ्क्रमणमुक्त भएका छन् । नेपालमा कोरोना निको हुनेको संख्या २ लाख ६४ हजार ८२३ पुगेको छ । नेपालमा कोरोना निको हुनेको प्रतिशत ९८.०५ पुगेको छ ।
यस्तै पछिल्लो २४ घण्टामा ६ जना सङ्क्रमितको मृत्युको पुष्टि भएको मन्त्रालयले उल्लेख गरेको छ । सो सँगै मृतकसँगै नेपालमा कोभिडबाट मृत्यु हुने दुइ हजार १७ जना पुगेका छन् ।
हाल तीन हजार २५२ जनामा भाइरसको सङ्क्रमण सक्रिय रहेको बताइएको छ ।
मन्त्रालयका अनुसार पछिल्लो २४ घण्टामा ४ हजार ५७४ जनाको पीसीआर परीक्षण गरिएको छ । अहिलेसम्म २० लाख ५२ हजार ६८७ पीसीआर परीक्षण भइसकेको छ ।