थप १६० सङ्क्रमित, १६५ निको

काठमाडौं । नेपालमा पछिल्लो २४ घण्टामा कोरोनाभाइरसका १६० जना सङ्क्रमित थपिएका छन् भने १६५ जना सङ्क्रमित निको भएका छन् ।
स्वास्थ्य तथा जनसंख्या मन्त्रालय अनुसार पछिल्लो २४ घण्टामा तीन हजार ३०९ वटा आरटीपीसीआर परीक्षण गरिएको थियो । हालसम्म २१ लाख एक हजार ५९ जनाको आरटीपीसीआर परीक्षण गरिएको छ ।
मन्त्रालयका अनुसारहालसम्म नेपालमा कुल सङ्क्रमितको संख्या दुई लाख ७२ हजार २१५ पुगेको जनाएको छ । उनीहरु मध्ये दुई लाख ६८ हजार ४३१ जना सङ्क्रमित निको भएका छन् । नेपालमा ९८।६१ प्रतिशत सङ्क्रमित निको भएर घर फर्केका छन् ।
हाल एक हजार ७३७ जना सङ्क्रमित आइसोलेशनमा छन् । हाल ८७ जना क्वारेन्टिनमा छन् ।
पछिल्लो २४ घण्टामा दुई जना सङ्क्रमितको मृत्यु भएको छ । हालसम्म दुई हजार ४७ जना सङ्क्रमितले ज्यान गुमाएका छन् ।