प्रधान सेनापति र पाकिस्तानी राजदूतबीच भेटवार्ता

काठमाडौं । प्रधान सेनापति पूर्णचन्द्र थापाले मित्रराष्ट्र पाकिस्तानका नवनियुक्त राजदूत सयैद हैदर साहसंग आज जङ्गी अड्डामा शिष्टाचार भेटवार्ता गर्नु भएको छ ।
प्रधान सेनापति थापाको कार्यकक्षमा भएको सो भेटमा दुई पक्षीय आपसी हित तथा पारस्परिक सम्बन्धका विषयमा छलफल भएको नेपाली सेनाले जनाएको छ । यस किसिमको भेटवार्ताले दुई देश बीचको आपसी सम्बन्धलाई सुमधुर एवं प्रगाढ बनाउन थप मद्दत पुग्ने विश्वास लिइएको नेपाली सेनाले जनाएको छ ।