एकैदिन ९०७० जना संक्रमित, ५४ जनाको मृत्यु

काठमाडौं । नेपालमा दिनप्रतिदिन कोरोना संक्रमितको संख्या बढ्दै गएको छ । पछिल्लो २४ घण्टामा मात्र नेपालमा ९ हजार ७० जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार २० हजार ३६७ पीसीआर परीक्षणमा ८९७० र ७७५ एन्टिजेन परीक्षणमा १०० जना गरी ९०७० जनामा संक्रमण पुष्टि भएको हो ।
त्यसैगरी पछिल्लो २४ घण्टामा कोरोना भाइरस संक्रमणबाट ५४ जनाले ज्यान गुमाएका छन् भने २७०७ जना संक्रमित संक्रमणमुक्त भएका छन् ।
आज थपिएका समेत गरेर देशभर कोरोना संक्रमितको कुल संख्या ३ लाख ६८ हजार ५८० पुगेका छ भने निको हुनेको कुल संख्या २ लाख ९२ हजार ४९० पुगेको छ । मृतकको कुल संख्या ३ हजार ५२९ पुगेको छ । मन्त्रालयका अनुसार हाल देशभर सक्रिय संक्रमितको संख्या ७२ हजार नाघेको छ ।