गुल्मीमा जिप दुर्घटना हुँदा ३ जनाको मृत्यु, ७ घाइते

गुल्मी । जिल्लाको शान्तिपुरबाट सदरमुकाम तम्घास आउँदै गरेको लु१ज ४५५९ नम्बरको जिप मुसीकोटमा दुर्घटना भएको छ ।
१० जना सवार जिप दुर्घटनामा ३ जनाको मृत्यु र ७ जना घाइते भएको गुल्मीका एसपी गोपालचन्द्र भट्टराईले जानकारी दिएका छन्।
मृत्यु हुनेमा चन्द्रकोट गाउँपालिका–४ का तेजेन्द्र थापा र वडा नम्बर ५ हरेवाका रेशम कार्की रहेका छन् । मृतक एक महिलाको सनाखत हुन बाँकी रहेको छ ।
घाइतेहरुको सदरमुकाम तम्घासमा उपचारका लागि लगिएको बताइएको छ।
दुर्घटनामा परेको जीप सडकबाट करीब ५ सय मिटर तल खसेको थियो ।