बागलुङ १ मा केसी र २ मा पौडेल विजयी

बागलुङ । बागलुङ निर्वाचन क्षेत्र नं. १ र २ मा सत्ता गठवन्धनका उम्मेदवारहरु निर्वाचित भएका छन् । वाग्लुङ १ बाट राष्ट्रिय जनमोर्चाका अध्यक्ष चित्रबहादुर केसी विजयी बनेका छन् भने २ मा नेकपा माओवादी केन्द्रका सचिव देवेन्द्र पौडेल विजयी भएका छन् ।
अन्तिम मत परिणामअनुसार चित्रबहादुर केसीले २१ हजार ४५१ मत ल्याएर विजयी हुँदा नेकपा एमालेका सूर्य पाठकले १८ हजार ८२५ मत पाएका छन् ।
त्यस्तै २ मा शिक्षा, विज्ञान तथा प्रविधिमन्त्रीसमेत रहेका पौडेलले २४ हजार ७७९ मत ल्याएर विजयी भएका हुन् । उनले एमालेकी मञ्जु शर्मालाई पराजित गरेका हुन् । शर्माले २० हजार १८० मत ल्याएकी छिन् ।