त्रिपाठी सहित नेताहरु औपचारिक रुपमा नेकपा प्रवेश गर्दै
काठमाडौं – स्वतन्त्र सांसद हृदयश त्रिपाठी बिहीबार नेकपाको धुम्वाराहीस्थित पार्टी कार्यालयमा औपचारिक रुपमा नेकपामा प्रवेश गर्ने भएका छन् ।
सूर्य चुनाव चिन्ह लिएर चुनाव लडेकात्रिपाठी लगायत अन्य केही नेताहरु प्रवेश गराउन लागिएको नेकपाले जनाएको छ ।
नेकपाका अध्यक्षद्धय केपी शर्मा ओली र पुष्पकमल दाहाल‘प्रचण्ड’को उपस्थितिमा उनीहरुलाई पार्टीमा भित्राउन लागिएको हो ।
गत निर्वाचनअघि राजपा त्यागेका त्रिपाठी प्रतिनिधिसभाको निर्वाचनमा नवलपरासी १ बाट विजयी भएका थिए । त्रिपाठी सहित बृजेश गुप्ता पनि नेकपामा प्रवेश गर्ने भएका छन् ।
राजपाका तत्कालीन नेताहरु सूर्य चिन्ह लिएर स्वतन्त्र उम्मेदवार बनेका थिए । उनीहरुसहित अन्य पार्टीका नेताहरु समेत नेकपा प्रवेश गर्न लागेका हुन् ।
नेकपाका नेता कृष्णगोपाल श्रेष्ठले बिहीबार विभिन्न नेताहरु पार्टी प्रवेश गर्न लागेको जानकारी दिएको आजको राजधानी दैनिकमा समाचार छ ।