टीका पुन एकल साँझ २१ गते

काठमाडौँ । लोक दोहोरी गायिका टीका पुनको एकल साँझ हुने भएको छ । आगामी माघ २१ गते ‘टीका पुन सांगीतिक साँझ’ हुने भएको हो ।
काठमाडौंस्थित नेपाल प्रतिष्ठानमा हुने एकल साँझमा टीकाले आफ्ना चर्चित गीत ‘लालुपाते फुल छैन रुख मात्रै’, ‘सलल बगेको भेरी नदी’, ‘क्षितिज पारी उनको बस्तीमा’, ‘म पूजा गर्छु मायाको’ लगायतका गाउनेछिन् । 
दुई दशक लामो समय सांगीति क्षेत्रमा बिताएकी टीकाका थुप्रै गीत चर्चित छन् ।