संसदीय समितिले भदौ १७ गते सभापति पाउने
काठमाडौं – भदौ ५ गतेका लागी तोकिएको प्रतिनिधिसभा अन्तर्गतका समितिका सभापतिको निर्वाचन मिति १७ गते सम्मका लागी सरेको छ ।
प्रतिनिधिसभाको शुक्रबार बसेको बैठकमा सभामुख कृष्णबहादुर महराले सभापति निर्वाचन भदौ १७ गते हुने जानकारी गराएका हुन् ।
उनले विशेष कारणले प्रतिनिधिसभा नियमावलीको नियम १ सय ७३ को उपनियम १ बमोजिम समिति सभापतिको निर्वाचन कार्यतालिका सारिएको बताए ।
सभामुख महराले समितिको सभापति निर्वाचन सम्बन्धी संशोधित सूचना प्रकाशित गर्न प्रतिनिधिसभाका सचिव गोपाल नाथ योगीलाई निर्देशन दिएका छन ।
यसअघि सभापतिको निर्वाचन भाद्र ५ गते मंगलबार ११ बजेका लागि तोकिएको थियो ।