प्रदेश १ को सभामुखमा गौतम सर्वसम्मत निर्वाचित

विराटनगर । प्रदेश १ का सभामुखमा माओवादी केन्द्रका बाबुराम गौतमको सर्वसम्मत निर्वाचित भएका छन् ।
प्रदेशसभाको आजको बैठकले ओखलढुंगा क्षेत्र नम्बर २ बाट निर्वाचित सांसद गौतम सर्वसम्मत निर्वाचित गरेको हो । 
एमालेका रेवती रमण भण्डारीको प्रस्तावमा एकीकृत समाजवादीका कमल जवेगु, माओवादी केन्द्रका नारायण बुर्जा मगर र राप्रपाका गोपाल बहादुर विश्वकर्माको समर्थनमा उनी सभामुख निर्वाचित भएका हुन् । 
सभामुखमा गौतमको एकल उम्मेदवारी परेकाले बैठकको अध्यक्षता गरेका जेष्ठ सदस्य गयानन्दन मण्डलले गौतम सभामुसखमा निर्वाचित भएको घोषणा गरेका छन् ।
केन्द्रमा भएको सहमतिअनुसार उपसभामुख एमालेको भागमा परेको छ। उपसभामुखको निर्वाचन पुस ३० गतेका लागि तोकिएको छ।