यात्रुवाहक विमान एक-आपसमा ठोक्किए
अमेरिकामा दुइटा यात्रुवाहक विमान एक आपसमा ठोक्किएर दुर्घटनाग्रस्त भएका छन् ।
युनाइटेड एयरलायन्सको दुईवटा यात्रुवाहक विमान अमेरिकाको सिकागो शहरको ओ हेर अन्तर्राष्ट्रिय विमानस्थलमा एक आपसमा ठोकिएका हुन्।
विमानस्थलको रनवेमा सो एयरलाइन्सका फ्लाइट ६४५ नं नम्बरको विमानको बायाँ पखेटा अर्को फ्लाइट २७४६ नं को विमानको बायाँ पखेटासँग ठक्कर खाएको थियो ।
तर दुर्घटनामा कुनै मानवीय क्षति चाहिँ भएन । विमानको पखेटा भने क्षतिग्रस्त भएको छ । विमानमा सवार यात्रु तथा विमानस्थलका कर्मचारीले उक्त विमान दुर्घटना हुँदा प्रत्यक्ष रूपमा देखेका थिए र तस्वीर खिचेका थिए । सो दुर्घटनापछि केही समय विमानस्थल अवरूद्ध भएको बताइन्छ । –एजेन्सी