शेखर–गगन समूहको वैठकमा विश्व–प्रदीप नजाने
काठमाडौं । नेपाली कांग्रेसका नेता डा. शेखर कोइराला–महामन्त्री गगन थापा समूहको आज दिउँसो १ः३० बजे वैठक बस्दैछ । सो समूहकोे छलफलमा महामन्त्री विश्वप्रकाश शर्मा र नेता प्रदीप पौडेललाई सहभागिता लागि आमन्त्रण गरिएको थियो ।
तर उक्त बैठकमा शर्मा र पौडेल दुवै नजाने भएका छन् । कोइरालाले बोलाएको बैठकमा महामन्त्री शर्मा र नेता पौडेल उपस्थित नहुने उनीहरु निकटस्थले जानकारी दिएका छन् ।
नेता कोइरालाको कार्यशैलीप्रति सन्तुष्ट नदेखिएका शर्माले महासमिति बैठकबाटै पार्टीको नीति, गति र मति उपर साझा दृष्टिकोण निर्माण हुनुपर्ने बताएका छन् ।
अर्का नेता प्रदीप पौडेल चीन भ्रमणमा जान लागेकाले बैठकमा सहभागी नभएका हुन् । कोइरालाको सम्पर्क कार्यालय बालुवाटारमा बैठक बोलाइएको छ ।