बिजुलीको पोलमा ठोक्किएर स्कुटर चालकको मृत्यु अर्का घाइते
काठमाडौं- काठमाडौंको भद्रकाली पुल नजिकै आज बिहान स्कुटर दुर्घटना हुदा एक जनाको मृत्यु भएको छ भने एक जना गम्भिर घाईते भएका छन् ।
आज बिहान सवा ४ बजे बा९१प ८१९ नम्बरको स्कुटर आफै अनियन्त्रित भई सडक छेउमा रहेको बिजुलीको पोलमा ठक्कर खाएको महानगरीय प्रहरीले जानकारी दिएको छ ।
मृत्यु हुनेमा काभ्रेपलाञ्चोक शिखर आमबोडे गाँउपालिका–८ का २६ वर्षीय सञ्जीव लामा छन् । उनको घटनास्थलमै मृत्यु भएको छ ।
स्कुटरमा पछाडी सवार हाल नामथर नखुलेका अन्दाजी २७ वर्षीय पुरुष गम्भिर घाईते भएका छन् । उनको ट्रमा सेन्टरमा उपचार भइरहेको महानगरीय ट्राफिक प्रहरी महाशाखाले जनाएको छ ।