कांग्रेसको केन्द्रीय कार्यसमिति बैठक सुरु
काठमाडौं- नेपाली कांग्रेसको केन्द्रीय कार्यसमिति बैठक सुरु भएको छ । शुक्रबार बिहान ११ बजे बस्ने भनिएको बैठक बस्दै नबसी शनिबारका लागि सारिएको थियो। शनिबार पनि बिहान १२ बजे बस्ने भनिएको बैठक अपरान्ह ४ बजे बल्ल बस्न सकेको हो ।
विधान संशोधन मस्यौदा समितिमा जिल्ला सभापतिहरुलाई पनि राख्नुपर्ने आवाज उठेपछि नेपाली कांग्रेसको केन्द्रीय कार्यसमिति बैठक बस्न सकेको थिएन।
पार्टी सभापति शेरबहादुर देउवाले बिहीबार महामन्त्री पूर्णबहादुर खड्काको संयोजकत्वमा ११ सदस्यीय विधान मस्यौदा समिति गठन गरेका थिए। उक्त समितिमा जिल्ला सभापतिहरुलाई पनि समावेश गराउनुपर्ने माग वरिष्ठ नेता रामचन्द्र पौडेलले राख्दै आएका छन्।