२३ देशका उच्च सैनिक अधिकारी काठमाडौं
काठमाडौं– काठमाडौंमा २३ देशका उच्च सैनिक अधिकारी भेला भएका छन्। सम्मेलनमा सैनिक अधिकृतदेखि रथीसम्मका अधिकारीहरु सहभागि रहेका छन्।
नेपाली सेना र युएस इन्डो–प्यासिफिक कमाण्ड डाइरेक्टर अफ इन्टिलिजेन्सको आयोजनामा सुरु भएको एघारौं एसिया प्यासिफिक इन्टिलिजेन्स चिफ्स सम्मेलनमा भाग लिन उनीहरु नेपाल आएका हुन्।
नेपालमा पहिलो पटक सञ्चालन भएको यस कन्फरेन्समा २३ देशका ८३ सैनिक अधिकृतहरु ८३ र नेपाली सेनाको तर्फबाट २० जना गरि जम्मा १०३ जनाको सहभागिता रहेको छ । सम्मेलन भदौ २० गतेसम्म चल्नेछ।
सम्मेलनमा सहभागी हुन आएका उच्च तहका विदेशी सैनिक अधिकारीलाई नेपालका विभिन्न पर्यटकीय स्थलहरुको भ्रमण गराउने कार्यक्रम समेत रहेको छ।