बाघको आक्रमणबाट गुल्मीमा एक महिला घाइते
गुल्मी – गुल्मीमा बाघको आक्रमणबाट एक महिला घाइते भएकी छन्।
धुर्कोट गाँउपालिका–४ जैसिथोक, भुवान गैराखर्ख निवासि ३१ बर्षीया तारादेवी पोखरेल बाघको आक्रमणबाट घाइते भएकी हुन् ।
बिहीबार बिहान ६ बजे खोरबाट बाख्रा बाहिर निकाल्ने क्रममा उनलाई बाघले झम्टेको थियो। बाघले पोखरेलको अनुहार र गर्धनमा चोट पुर्याएको छ। उनलाई बिहानै जिल्ला अस्पताल तम्घास ल्याई उपचार भइरहेको छ।
खोरमा पसेको बाघले दुई वटा बाख्रालाई पनि मारेको छ। पछिल्लो समय गाँउमा बाघको बिगबिगी बढ्दै गएकोले सबैलाई सजक रहन आग्रह गरिएको छ ।