लागुऔषधसहित अनिश श्रेष्ठ र कृष्ण खनाल पक्राउ

साँखु – काठमाडौँ  कानुनबाट प्रतिबन्धित लागुऔषधसहित प्रहरीले बुधबार राति शङ्खरापुर–९ सानागाउँबाट दुईजना लाई पक्राउ गरेको छ ।
महानगरीय प्रहरी प्रभाग साँखु र जम्मुडाँडा प्रहरी बिटको विशेष संयुक्त गस्ती टोलीले सुराकीकोका आधारमा लागुऔषध कारोवारीे हुनसक्ने आशङ्कामा शङ्खरापुर डेरा गरी बस्ने गोकर्णेश्वर नगरपालिका स्थायी घर भएका १९ वर्षीय अनिश श्रेष्ठ र शङ्खरापुर नगरापालिका–१ का २१ वर्षीय कृष्ण खनाललाई पक्राउ गरेको हो ।
जम्मुडाँडा प्रहरी बिटका अनुसार शङ्खरापुर–९ डेरा गरी बस्ने उनीहरुको कोठाबाट डाइजोपाम १५३ पिस, फ्यानजान १५३ पिस, नोफिन २७ एम्बुल र बुर्फरिन १२० एम्बुल लागुऔषध बरामद भएको हो । प्रहरीले नियन्त्रणमा लिएको उनीहरुको थप अनुसन्धान हुुँदैछ भने प्रचलित कानूनअनुसार कारवाही हुने महानगरीय प्रहरी प्रभाग साँखुले जानकारी गरायो ।