ट्याक्टर दुर्घटनाः एकको मृत्यु, तीन घाइते
मुसीकोट- रूकुममा ट्याक्टर दुर्घटना हुँदा एक जनाको मृत्यु र तीन जना घाईते भएका छन् ।
मुसीकोट नगरपालिका ४ बाट सोलावाङ १ गाराघाट जाँदै गरेको ट्याक्टर दुर्घटना हुँदा मुसीकोट नगरपालिका १ गाराघाट बस्ने २८ बर्षीय धनमाया देवकोटाको मृत्यु भएको हो ।
उनको उपचारका लागि जिल्ला अस्पताल सल्ले लाने क्रममा मृत्यु भएको जिल्ला प्रहरी कार्यालयले जनाएको छ । दुर्घटनामा मृतक धनमायाकी १३ वर्षीय छोरी मुना देवकोटा, मुसीकोट नगरपालिका १३ की २४ बर्षीय कमला केसी र बाँफिकोट ९ की १६ बर्षीय ललिता ओली घाईते भएका हुन् । घाईते तीन जनालाई थप उपचारका लागि नेपालगञ्ज लगिएको छ ।
ट्याक्टर सडकभन्दा २० मिटर तल खसेको थियो ।