ठमेलमा एकाबिहानै आगलागी
काठमाडौं— ठमेलको ज्याथामा आज बिहानै चार बजे आगलागी भएको छ ।
पानी तान्ने क्रममा विजुली सट भएर आगलागी हुँदा ट्रेकिङको सामग्री लगायत जलेको र अक्सिजन ग्यास सिलिण्डर पड्किएको हो।
बिहान पौने चार बजे ग्यास बिस्फोट भएपछि शुरु भएको आगलागी पौने पाँच बजे नियन्त्रणमा आएको प्रहरीले जनाएको छ ।
आगो नियन्त्रणका लागि नेपाली सेना, नेपाल प्रहरी, दमकल र स्थानीयबासीको सहयोगमा आगलागी नियन्त्रणमा आएको हो ।
महानगरी प्रहरी वृत दरवारमार्गका डीएसपी दान बहादुर मल्लका अनुसार कुनै पनि मानवीय क्षति नभएको र भौतकि क्षतिको विवरण भने आउन बाँकी रहेको बताए ।