कोरिया सडक दुर्घटनामा परि एक नेपालीको मृत्यु

कोरिया- राजधानी सिओल देखि अन्दाजी ५० किमीको दुरीमा रहेको शहर किम्पोमा गत ८ तारिख शनिबार बेलुकीको अन्दाजी ७ ४० तीर एक नेपालीको सडक दुर्घटना परि अस्पताल लाने क्रममा मृत्यु भएको छ ।
मृत्यु भएका नेपाली ईपीएस मार्फत दोस्रो पल्ट २०१५ सालको सेक्टेम्बरमा कोरिया आई किम्पोको एयरकन्डीसन निर्माण गर्ने एक कम्पनीमा कार्यरत नेपालको भगवाना १ पर्सा निवासी ओम प्रकाश प्रसाद चौधरी रहेको छ ।
मृतक चौधरीले सो दिन बेलुकी पख साईकल चलाई रहेको अवस्थामा उजबेगीस्थानका नागरिकले चलाएको गाडीले ओभरटेक गर्दे साईकललाई ठक्कर दिएर चौधरी गम्भीर घाईते भएका थिए । घाईते चौधरीलाई नजिकको स्नानिय अस्पतालमा लगेका थिए । तर घाईते चौधरीको अवस्था अत्यन्तै गम्भीर भएकोले अस्पतालले उपचार गर्न नसक्ने भनेपछि हेलीकोप्टर बोलाएर ख्यङगिदोको आजु युनिभरसिटि अस्पतालमा रिफर गरि दिएका थिए । तर आजु युनिभरसिटि अस्पताल पुगेका चौधरीलाई डाक्टरले मृत घोषित गरेका थिए ।

मृतक चौधरीको नेपालमा एक छोरा र एक छोरी भएको थाहा भएको छ ।

नेपाली राजदूतावासबाट श्रमसहचारी डिल्ली राम बास्तोला, थारु कल्याणकारी सभा कोरियाका पदाधिकारी लगायत विभिन्न संघ संस्थाका पदाधिकारीहरुले सोमबार मृतकको कम्पनीका साहु र स्थानिय प्रहरीलाई भेटघाट गरि घटना तथा क्षतिपूर्तीको विषयमा जानकारी लिएका थिए ।

थारु कल्याणकारी सभा दक्षिण कोरियाका अध्यक्ष शिव चौधरीले मृतकको लाशलाई नेपाली राजदूतावासको सहकार्यमा शुक्रबार नेपाल पठाउने योजना रहेको बताउनु भयो ।