प्रधानमन्त्रीले दिए हरितालिका तीजको शुभकामना
काठमाडौं– प्रधानमन्त्री केपी शर्मा ओलीले हरितालिका तीजको अवसरमा सम्पूर्ण दिदी बहिनीहरुमा शुभकामना व्यक्त गरेका छन्।
प्रधानमन्त्री ओलीले आज एक शुभकामना सन्देश दिंदै तीज पर्वले सम्पूर्ण महिलाहरुलाई एकतावद्ध भएर अगाडि बढ्न प्रेरणा मिलोस भन्ने सन्देश दिएका हुन् ।
नेपाल जस्तो बहुसाँस्कृति, बहुधार्मिक, बहुजातीय देशमा मनाइने विभिन्न चाडपर्वले आम नेपालीरुलाई एक सुत्रमा बाँध्न सहयोग मिल्ने प्रधानमन्त्री ओलको शुभकामनामा उल्लेख छ ।
शुभकामना सन्देशमा तीज पर्वलाई समय अनुसार परिस्कृत गरेपनि यसको मौलिकतालाई कायम राख्नु पर्ने प्रधानमन्त्री ओलीले उल्लेख गरेका छन्। “तीज पर्वको मौलिकतालाई भुलेर यसलाई भड्किलो र खर्चिलो बनाउनेतिर लाग्नु हुदैन” प्रधानमन्त्री ओलीले सन्देशमा भनेका छन् “यस पर्वले कहीं न कहीं महिला स्वतन्त्रताको इतिहास बोकेको छ , यसलाई त्यसै रुपमा जोगाएर लैजानु पर्दछ । ”