बिधुतमा नेपाललाई आत्मनिर्भर बनाउने सरकारको लक्ष्य, ऊर्जामन्त्री पुन
ओखलढुङ्गा-ओखलढुङ्गाको चम्पादेवीमा ‘मिसन मालिङ्गे भिजन २१००’ को आज उद्घाटन गर्दै अबको दश वर्षमा १५ हजार मेगावाट बिधुत उत्पादन गर्ने ऊर्जा, जलस्रोत तथा सिँचाइमन्त्री वर्षमान पुनले बताउनुभएको छ । मन्त्री पुनले नेपाल जलस्रोतको धनी देश भएकाले पानीबाटै नेपालको समृद्धि सम्भव रहेको दावी गर्नुभयो ।
अबको दश वर्षमा १५ हजार मेघावाट विद्युत् उत्पादन गरेर बिधुतमा नेपाललाई आत्मनिर्भर बनाउने सरकारको लक्ष्य छ, मन्त्री पुनले भन्नुभयो, नेपालको पानी जनताको लगानी, हरेक नेपाली बिधुतको सेयर धनी भन्ने लक्ष्यअनुसार काम भइरहेको छ ।
मन्त्री पुनले सरकारले जनचहाना अनुसारको काम गरिरहे को दाबी गर्नुभयो । उहाँले प्रधानमन्त्रीले रेलका कुरा गर्दा खिल्ली उडाउनेले नेपालमा दुई वर्षभित्रै रेल चड्न पाउने तर्क गर्नुभयो ।
ठुला र आवश्यकता देखिएका योजनाहरु सरकारले अघि सारेको देखेर खिल्ली उडाउनेहरु छक्क पर्न अब बेर लाग्दैन, मन्त्री पुनले भन्नुभयो, अबको केही वर्षमा नेपाल समृद्ध मुलुक बन्नेछ, बिधुत र पर्यटनमा प्रगति गर्नेछ र कृषिमा आधुनिकीकरण सँगै आत्मनिर्भर बन्नेछ ।