आकाश र आँचलको प्रेममा द्वन्द्व

काठमाडौं । जेठ ११ गते रिलिज गर्ने मिति तय भएपछि फेरी भाद्र २ गते पु¥याइएको चलचित्र ब्ल्याकको ट्रेलर सार्वजनिक भएको छ । नायक आकाश श्रेष्ठ र नायिका आँचल शर्माको मुख्य अभिनय रहेको ब्ल्याकको बिहीबार काठमाडौँमा एक कार्यक्रमको आयोजना गरि ट्रेलर सार्वजनिक गरिएको हो ।
सार्वजनिक ट्रेलरमा आकाश र आँचलको प्रेम र प्रेममा आउने द्वन्द्वलाई देखाइएको छ । सयौँ म्युजिक भिडियो र केही सिनेमामा लवरव्यायको रुपमा देखिएका नायक आकाश यस सिनेमामा भने एक्सन अवतारमा प्रस्तुत भएका छन् । नायिका आँचल शर्मालाई प्रायः नायक पल शाहको जोडीको रुपमा देखिएकोमा यस सिनेमामा भने आकाशसँग उनको जोडी देख्न सकिन्छ ।
आश्मा पाण्डेको निर्माण तथा प्रदीप श्रेष्ठको निर्देशनमा बनेको सिनेमा ब्ल्याकमा आकाश श्रेष्ठ, आँचल शर्माका अलावा धिरेन शाक्य, आयुष रिजाल, शुसिल क्षेत्री, सुन्दर श्रेष्ठ लगायतका कलाकारहरुको अभिनय रहेको छ ।
यस अघि सिनेमाको दुई वटा गित पनि सार्वजनिक गरिएको छ । चर्चाको हिसाबले औषत रहेको गितमा सुगम पोखरेलको आवाजमा रहेको गित पल पल हरपललाई दर्शकले रुचाएका छन् ।