कांग्रेस जिल्ला सभापतिहरुको भेला नुवाकोटको ककनीमा हुने

काठमाडौं–  नेपाली कांग्रेसको जिल्ला सभापतिको भेला बुधबारदेखि नुवाकोटको ककनीमा हुने भएको छ।
आउँदो २८ देखि पुुस ३ गतेसम्म हुन लागेको महासमिति बैठकका लागि देशैभरका सभापतिको धारणा बनाउन बुधबार र बिहीबार ककनीमा भेला हुन लागेको हो ।

कांग्रेस नुवाकोटका सभापति जगदीश्वरनरसिंह केसीले प्रस्तावित विधानका बारेमा छलफल गर्न सभापतिको भेला आयोजना गरिएको जानकारी दिएका छन्।

यस्तै महासमितिको बैठकमा राख्ने कुराबारे समान धारणा बनाउन कांग्रेस जिल्ला कोषाध्यक्षको राष्ट्रिय भेला आउँदो शुक्रबार र शनिबार धादिङको गजुरीमा हुँदैछ ।