कांग्रेसको केन्द्रीय कार्यसमितिको बैठक आज राजनीतिक प्रतिवेदन पेश गर्ने
काठमाडौं – महासमितिको तयारी गरिरहेको नेपाली कांग्रेसको केन्द्रीय कार्यसमितिको बैठक आज पनि बस्दैछ ।
पार्टी मुख्यालय सानेपामा बस्ने बैठकमा महासमिति बैठकको तयारीका विषयमा छलफल हुनेछ । बैठकमा उपसभापति विमलेन्द्र निधिद्वारा पेश गरिएको राजनीतिक प्रतिवेदनमाथि छलफल हुनेछ ।
निधिको राजनीतिक प्रतिवेदनमा वर्तमान सरकारको आलोचना गर्नुका साथै कांग्रेसले कार्यकर्तालाई कसरी प्रशिक्षित गर्ने कुराहरू पनि राखेको छ ।
केन्द्रीय कार्यसमितिको बैठकपछि कांग्रेसले आजै पत्रकार सम्मेलन गर्ने तयारी पनि गरेको छ ।