पत्रकार नेपाल सम्मनित

पाल्पा । नेपाल प्रेस युनियन पाल्पाका पूर्व सभापति, जिल्लाका क्रियाशिल पत्रकार प्रकाश नेपाल सम्मानित भएका छन् । साहित्य तथा स्वास्थ्य प्रतिष्ठान पाल्पाले पत्रकारिताको माध्यमबाट जिल्लाको शैक्षिक, सामाजिक, आर्थिक र साहित्य क्षेत्रमा पु¥याएको महत्वपूर्ण योगदानको मुल्याङ्कन गर्दै नेपाललाई शनिबार सम्मान गरेको हो । प्रतिष्ठानले आफ्नो १३ औं साधारण सभा तथा पाँचौ अधिवेशनका अवसरमा शक्तिराज स्मृति सञ्चार प्रतिभा पुरस्कारबाट नेपाललाई सम्मान गरेको छ । कार्यक्रमका प्रमुख अतिथि तथा शिक्षा समन्वय इकाई पाल्पाका प्रमुख मोती पौड्याल र प्रतिष्ठानका अध्यक्ष पुस्करराज रेग्मीले नेपाललाई संयुक्त रुपमा नगद र प्रमाण पत्रले सम्मान गरेका थिए । नेपाल, बुटवल टुडे दैनिकका उपसम्पादक, माउन्टेन टेलिभिजन र अभियान राष्ट्रिय दैनिकका जिल्ला संवाददाता हुन् ।
त्यस्तै प्रतिष्ठानले नेपाल पत्रकार महासंघ पाल्पाका पूर्व सभापति भगवान भण्डारीलाई राधाबद्री रेग्मी स्मृति पुरस्कारबाट सम्मान गरेको छ । सम्मानित भण्डारी पाल्पा समाचार पत्रका प्रधान सम्पादक, मानवअधिकारकर्मी, सामाजिक व्यक्तित्व सेमत हु्न् । कार्यक्रममा साहित्य क्षेत्रमा योगदान पु¥याएका देवेन्द्रराज शाक्य, विश्वप्रेमी अधिकारी, शैक्षिक क्षेत्रमा योगदान पु¥याउने मीनबहादुर केशी, लक्ष्मी उपाध्या, चन्द्रकान्त न्यौपाने, उत्कृष्ट अंक ल्याई जिल्लास्तरीय परिक्षामा सफल विद्यार्थी आयुषा विक, स्वास्थ्य क्षेत्रमा योगदान पु¥याउने नर्स कुमारी माया थापा र शोभाकान्त न्यौपानेलाई सम्मान गरिएको थियो ।