कालिकोटमा सिंगो बस्तीमा आगलागी
कालिकोट, ९ पुस । कालिकोट जिल्लाको पताला गाउँपालिका वडा नम्बर १ खाल्टेमा रहेको सिंगो बस्तीमा आगलागी भएको छ ।
आइतबार राति अकस्मात फैलिएको आगलागीका कारण ८६ घर जलेर पूर्ण रुपमा नष्ट भएको र आगलागी अझै नियन्त्रणमा आइनसकेको जिल्ला प्रहरी कार्यालय कालिकोटले जानकारी दिएको छ ।
स्थानीय बासिन्दा र प्रहरीको टोलीले आगो निभाउने प्रयास भएको छ । दमकल अभावमा आगो नियन्त्रणमा लिन कठिनाई भइरहेको छ । आगलागीको पूर्ण विवरण आउन सकेको छैन ।
घटनास्थल प्रहरीचौकी रहेको स्थानबाट तीन चार घण्टाको पैदल दूरीमा रहेको छ । आगलागीका कारण मानवीय क्षति भने भएको छैन तर धेरै मात्रामा पशु चौपायाहरु मरेको प्रहरीले जनाएको छ ।