दुर्घटनामा एकको मृत्यु

कावासोती- डण्डाबाट नारायणगढका लागि छुटेको ना४ख ७९२८ नंको बसले  ना ४९ प २२०७ नं को मोटरसाइकललाई ठक्कर दिँदा पूर्वपश्चिम राजमार्ग अन्तर्गत नवलपरासीको कावसोतीमा एकको मृत्यु भएको छ । रौतहट गोमरिया घर भई हाल कावासोतीमा मिस्त्री काम गर्दै आएका ३५ वर्षीय दमेन्द्र यादवको मृत्यु भएको हो ।
ठक्करबाट गम्भीर घाइते भएका यादवको उपचारका क्रममा कालीगण्डकी अस्पतालमा मृत्यु भएको जिल्ला प्रहरी कार्यालयका प्रहरी नायब उपरीक्षक लीलाराज लामिछानेले जानकारी दिए ।