मृत अवस्थामा फेला
काठमाडौं- काठमाडौं, ललितपुर र ओखलढुङ्गामा ३ जना मृत अवस्थामा फेला परेका छन् ।
काठमाडौं शंखरापुर नगरपालिका-३ जरसिंहपौवा पाखे टोल बस्ने सोलु महाकुलुङ गाउँपालिका-२ घर भएकी ३४ वर्षीय मञ्जु विक आफ्नै घरमा सुतिरहेको अवस्थामा सोमबार बिहान मृत फेला परेकी छन् ।
ललितपुर ललितपुर महानगरपालिका-११ स्थित बंगलामुखी मन्दिर अगाडि हाल नाम, थर, वतन नखुलेका करिब ४१ बर्षीय पुरुष आइतबार साँझ मृत अवस्थामा फेला परेका छन् ।
ओखलढुङ्गा चम्पादेवी गाउँपालिका-१० रानीवनस्थित तारुके खोलामा हाल नाम, थर, वतन नखुलेका करिब १६ वर्षीय किशोर आइतबार दिउसो मृत अवस्थामा फेला परेका छन् ।
यस सम्बन्धमा स्थानीय प्रहरीले आवश्यक अनुसन्धान गरिरहेको छ ।