क्याप्टेनको कर्लीकर्ली छायांकन

काठमाडौं । फागुन १७ गतेबाट प्रदर्शन हुने मिति तय गर्दै चलचित्रको प्रचारप्रसार भइरहेका बेला चलचित्र ‘क्याप्टेन’कोे ‘कर्ली कर्ली’ बोलको गीत भने भर्खर छायाँकन भएको छ । ललितपुरको एक पार्टी प्यालेसमा सोमबार मात्र उक्त गीतको छायाँकन भएको हो ।
सो गीत अनमोल केसी उनका पिता तथा नायक भुवन केसी र अभिनेत्री निरुता सिंह माथि छायाँकन गरिएको छ । मेलिना राई र एसडी योगीको स्वर रहेको गीतमा एसडीकै शब्द तथा संगीत छ । गीतको कोरियोग्राफी रेनशा वान्तवा राइले गरेकी हुन् ।
फिल्ममा अनमोलको अलवा उपासना सिंह ठकुरी, प्रियंका एमभी, सुनिल थापा, प्रशान्त ताम्राकार, विल्सन विक्रम राई मुख्य भूमिकामा छन् ।
‘इशान नाम गरेको पात्रले खेल जितिसकेपछि सेलिव्रेशनको क्रममा यो गीत पर्दामा आउनेछ’ छायाँकन भएको गीतको बिषयमा निर्माता भुवनले भने ‘दर्शकका लागि अनमोल, म र निरुताको जोडी वेग्लै स्वाद हुने विश्वास लिएको छु ।’ फिल्म दिवाकर भट्टराइले निर्देशन गरेका हुन् ।