कांग्रेसले आज देशभर शक्ति प्रदर्शन गर्ने
काठमाडौंः सरकारविरुद्ध प्रमुख विपक्षी दल नेपाली कांग्रेसले आज (मंगलबार) राजधानीसहित मुलुकभरि प्रदर्शन गर्दै छ ।
कांग्रेसले नेपाल कम्युनिस्ट पार्टी (नेकपा)का अध्यक्ष एवम् प्रधानमन्त्री केपी ओली नेतृत्वको सरकारले सर्वसत्तावाद लाद्न खोजेको भन्दै मंगलबार देशभरि विरोध प्रदर्शन गर्न लागेको हो ।
कांग्रेसले ओली नेतृत्वको कम्युनिस्ट सरकारलाई ‘सर्वसत्तावादलादेको, मूल्य वृद्धि र महँगी रोक्न नसकेको तथा लोकतान्त्रिक पद्धतिमाथि प्रहार गरेको’ जस्ता आरोपसहित प्रदर्शन गर्न लागेको जनाएको छ ।
काठमाडौंको प्रदर्शनलाई भव्य र शान्तिपूर्ण बनाउनका लागि स्वयं सेवकहरू परिचालनका साथै उल्लेख्य कार्यकर्ता उतार्ने गरेर तयारी भएको छ । सरकारविरुद्धको प्रदर्शनमा सहभागी हुन अपील समेत गरेको छ ।
काठमाडौंमा नेपाली कांग्रेसले दिउँसो साढे दुई बजेबाट प्रदर्शन शुरु गर्नेछ ।