१०५ केजी चरेशसहित तीन जनालाई पक्राउ
प्रहरीले १०५ केजीसहित धादिङबाट तीन जनालाई पक्राउ गरेको छ।
धादिङ- काठमाडौंबाट वीरगञ्ज जाँदै गरेको ना ५ ख २८१२ नम्बरको बसमा लुकाई राखेको १०५ किलो चरेशसहित धादिङको गजुरीबाट तीन जनालाई नियन्त्रणमा लिइएको धादिङ प्रहरीले जनाएको छ।
पक्राउ पर्नेमा बस चालक लालबहादु शाह समेत छन्। अन्यमा अनिल चौधरी र श्रीराम साह रहेको प्रहरीले जनाएको छ।
उनीहरूलाई आइतबार बिहान ११ बजे पत्रकार सम्मेलन गरी थप जानकारी दिने प्रहरीले बताएको छ। पक्राउ परेकाहरूमाथि थप अनुसन्धान भइरहेको छ।