पूर्व मिस नेपाल श्रृंखला अग्निको ब्राण्ड एम्बेसडर

काठमाडौं । पूर्व मिस नेपाल श्रृंखला खतिवडा महिन्द्रा एण्ड महिन्द्राको प्रमुख आधिकारिक बिक्रेता अग्नि ग्रुपको ब्राण्ड एम्बेसडरमा नियुक्त भएकी छिन् ।
काठमाडौँमा शुक्रबार आयोजित एक कार्यक्रममा अग्नि ग्रुपका कार्यकारी निर्देशक अर्जुन शर्माले ब्राण्ड एम्बसडर घोषणा गर्दै इ– २० गाडीको साँचो हस्तान्तरण गरेका छन् । अग्निको ब्राण्ड एम्बेसडरमा आवद्ध हुन पाएकोमा हर्षित भएको खतिवडाले बताएकी छिन् । उनले विद्युतीय गाडी धेरै वर्ष अघिदेखि मन परेको बताउँदै त्यही पाउँदा खुशी लागेको पनि बताइन् ।
विगत तीन बर्षदेखि महिन्द्रा बोलेरो पिक–अप खरिद गरि उद्यम संचालन गर्दै आएका २५ जना ग्राहकका छोराछोरीलाई २५ हजार रुपैयाँ पुरस्कार र प्रशंशापत्र दिएको छ । एसइई दिएर बसेका उत्कृष्टलाई २५ हजार रुपैयाँ कम्पनीले दिएको हो । कार्यक्रममा अग्नि ग्रुपका वरिष्ठ निर्देशक तथा कम्पनी सचिव दुर्गाप्रसाद आचार्य, सहायक निर्देशक वरदान वस्नेत लगायतको उपस्थिति थियो ।