क्रिकेट रंगशाला

गौतम बुद्ध अन्तर्राष्ट्रिय क्रिकेट रङ्गशाला ।
बन्ने भयो हेर्दा हेर्दै लौन हाम्रै पाला ।।
धुर्मुस र सुन्तलीले गरिदिए होस्टे ।
उन्का फ्यान र सर्कारले भनिदिए हैसे ।।

अर्बौं सहयोग जुटाएर बनाउने आँट ।
रङ्गशाला बनाउन फजुल खर्च काट ।।
गर्छु सहयोग बन्छ भने क्रिकेट रङ्गशाला ।
सके धन, नसकेमा श्रम त पक्कै जाला ।।

चितवनको रामपुरमा बन्ने रङ्गशाला ।
पहिरिने भइयो अब गौरवको माला ।।
भरतपुरको वडा नंबर १५ मा बन्दैछ ।
रङ्गशाला चोक भनी १६ ले भन्दैछ ।।

नाम्मा क्रिकेट भए पनि, खेल्मा सबै थोक ।
सहयोग लिन धुसु जोडी देश् विदेशका चोक ।।
समृद्धिको अभियानमा लागौं सबै जना ।
रङ्गशाला बनाउन जुटौं सबै मन ।।